عسیر و جازان میں 27 افراد گرفتار، 540 کلوگرام قات ضبط

عسیر اور جازان کے سرحدی علاقوں میں بارڈر گارڈز کی زمینی گشتی ٹیموں نے نشہ آور قات کی اسمگلنگ کی دو کوششیں ناکام بناتے ہوئے 27 افراد کو گرفتار کر لیا، جن کے قبضے سے 540 کلوگرام قات برآمد ہوا۔

عسیر کے الربوعہ سیکٹر میں گشتی ٹیموں نے سرحدی سیکیورٹی قوانین کی خلاف ورزی کرنے والے سات ایتھوپین شہریوں کو گرفتار کیا، جو 140 کلوگرام نشہ آور قات اسمگل کرنے میں ملوث تھے۔

اعرض التغريدة على منصة X

جازان کے الدائر سیکٹر میں گشتی ٹیموں نے سرحدی قوانین کی خلاف ورزی کرنے والے 20 افراد کو گرفتار کیا، جن میں ایتھوپین اور یمنی شہری شامل ہیں۔ یہ افراد 400 کلوگرام نشہ آور قات اسمگل کر رہے تھے۔

اعرض التغريدة على منصة X

دونوں واقعات میں گرفتار افراد کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے تاکہ مزید قانونی کارروائی کی جا سکے۔

سیکیورٹی اداروں نے شہریوں اور مقیم افراد سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ملیں تو وہ مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 994 پر اطلاع دیں۔

اسی طرح منشیات کے خلاف جنرل ڈائریکٹوریٹ کے ہیلپ لائن 995 یا ای میل (Email:[email protected]) پر بھی اطلاع دی جا سکتی ہے۔ حکام نے یقین دہانی کرائی ہے کہ تمام اطلاعات مکمل رازداری کے ساتھ نمٹائی جائیں گی اور اطلاع دینے والے پر کوئی ذمہ داری عائد نہیں ہو گی۔