سعودی عرب میں پہلی میڈیا ٹیلنٹ اسکول کا آغاز

سعودی عرب میں پہلی بار باصلاحیت میڈیا طلبہ کے لیے خصوصی اسکول کا آغاز ہو گیا ہے۔

یہ اپنی نوعیت کا پہلا ادارہ ہے، جسے وزارت تعلیم اور وزارت اطلاعات کی مشترکہ کوششوں سے قائم کیا گیا ہے اور اس میں مختلف شعبہ جات شامل ہیں، جیسا کہ 'العربیہ' نے رپورٹ کیا۔

اسکول میں جدید تعلیمی سہولیات، پوڈکاسٹ پلیٹ فارمز، ایڈیٹنگ لیبارٹریز اور ڈیجیٹل میڈیا کے لیے خصوصی لیبز فراہم کی گئی ہیں۔

اسکول میں ماہرین کی ایک ٹیم موجود ہے جو طلبہ کی تربیت اور مستقبل کے میڈیا پروفیشنلز کی تیاری کے لیے اپنی صلاحیتیں بروئے کار لا رہی ہے، تاکہ ملک میں باصلاحیت طلبہ کی سرپرستی کو فروغ دیا جا سکے۔