ٹریفک پولیس: ٹرک اور بھاری گاڑیوں کے ڈرائیور کے 6 اہم تقاضے

سعودی ٹریفک پولیس نے ٹرک اور بھاری گاڑیوں کے ڈرائیورز کے لیے سڑکوں پر چلتے وقت کی جانے والی اہم ذمہ داریوں کی وضاحت کی ہے۔

ادارے نے ایکس پلیٹ فارم پر بتایا کہ ان تقاضوں میں کثیر المسار سڑکوں پر دائیں لین میں چلنا، شہروں میں داخلے یا اخراج کے لیے مقررہ اوقات کی پابندی اور سامان کو اچھی طرح ڈھانپ کر محفوظ کرنا شامل ہے۔

اسی طرح ڈرائیورز کے لیے لازم ہے کہ وہ ٹرک میں مسافروں کو نہ بٹھائیں، رات کے وقت گاڑی رکنے پر پیچھے مناسب فاصلے پر مثلثی عکاس نشان لگائیں اور وزن و سائز کی مقررہ حد کی پابندی کریں۔