سعودی الیکٹرانک یونیورسٹی میں ڈیجیٹل میڈیا فیلوشپ پروگرام مکمل

سعودی الیکٹرانک یونیورسٹی کے ترجمان ڈاکٹر شاکر الذیابی نے کہا ہے کہ یونیورسٹی نے ڈیجیٹل میڈیا فیلوشپ پروگرام معیاری نتائج کے ساتھ مکمل کر لیا ہے۔

ڈاکٹر شاکر نے الاخباریہ چینل سے گفتگو میں بتایا کہ ان نتائج میں 85 سے زائد عملی منصوبے، 60 سے زیادہ تربیتی گھنٹے، مباحثے اور ورکشاپس شامل ہیں، جن میں 400 سے زائد ٹرینی شریک ہوئے۔ اس اقدام کا مقصد میڈیا کے شعبے میں باصلاحیت افراد کی تیاری ہے۔

سعودی الیکٹرانک یونیورسٹی نے جنرل اتھارٹی برائے میڈیا ریگولیشن کے اشتراک سے یہ پروگرام مکمل کیا، جس کا مقصد ڈیجیٹل میڈیا کے شعبے میں قومی صلاحیتوں کو فروغ دینا تھا۔ اس پروگرام کے ذریعے دونوں ادارے پیشہ ورانہ مہارتوں کو مضبوط بنانے اور میڈیا کے شعبے میں تیز رفتار تبدیلیوں کے ساتھ ہم آہنگی کو یقینی بنانا چاہتے ہیں۔

اعرض التغريدة على منصة X