حوثی ملیشیا کا مکہ و مدینہ کو نشانہ بنانا سنگین عسکری خطرہ ہے

عسکری اور اسٹریٹجک تجزیہ کار سلطان العتیبی کا کہنا ہے کہ حوثی ملیشیا کی جانب سے مکہ اور مدینہ کو نشانہ بنانا سکیورٹی اور عسکری اعتبار سے انتہائی سنگین اور خطرناک اقدام ہے، جس کے دینی اور انسانی پہلو بھی ہیں۔

انہوں نے الاخباریہ چینل سے گفتگو میں مزید کہا کہ مکہ اور مدینہ دنیا بھر کے مسلمانوں کے دلوں میں عظیم مقام رکھتے ہیں۔

سلطان العتیبی نے اس جانب بھی توجہ دلائی کہ مکہ اور مدینہ کے امن کو نقصان پہنچانا مسلمانوں کے مذہبی جذبات کو مجروح کرنے کے مترادف ہے۔ ان کا کہنا تھا کہ سعودی عرب کے پاس مکمل دفاعی نظام، عسکری صلاحیت اور ایسی کسی بھی دھمکی سے نمٹنے کی بھرپور تیاری موجود ہے۔

ایکس پر اصل پوسٹ دیکھیں