سعودی کسٹمز نے ایک ہفتے میں 1126 ممنوعہ اشیا ضبط کیں

سعودی عرب کے بری، بحری اور فضائی کسٹمز نے ایک ہفتے کے دوران 1,126 ممنوعہ اشیا ضبط کیں۔ یہ کارروائیاں زکوة، ٹیکس اور کسٹمز اتھارٹی (زاتکا) کی جانب سے معاشرتی تحفظ اور مختلف اقسام کی ممنوعات کے انسداد کے لیے جاری کوششوں کا حصہ ہیں۔

اتھارٹی کے بیان کے مطابق ضبط شدہ اشیا میں 35 اقسام کی منشیات شامل ہیں، جن میں حشیش، کوکین، ہیروئن، شبو اور کیپٹاگون گولیاں نمایاں ہیں، اس کے علاوہ 300 دیگر ممنوعہ اشیا بھی پکڑی گئیں۔

اسی دوران، کسٹمز حکام نے 810 تمباکو اور اس کی مصنوعات کی اسمگلنگ ناکام بنائی، جبکہ 8 اقسام کی مالی رقوم بھی ضبط کی گئیں۔

زاتکا نے اس عزم کا اعادہ کیا ہے کہ وہ متعلقہ اداروں کے تعاون سے مملکت کی درآمدات و برآمدات پر کسٹمز نگرانی مزید سخت کرے گی، تاکہ معاشرتی تحفظ کو یقینی بنایا جا سکے۔

اتھارٹی نے عوام سے اپیل کی ہے کہ وہ اسمگلنگ کی روک تھام میں تعاون کریں اور کسی بھی مشتبہ سرگرمی کی اطلاع سیکیورٹی ہیلپ لائن (1910)، ای میل ([email protected]) یا بین الاقوامی نمبر (009661910) پر دیں۔ زاتکا نے یقین دہانی کرائی ہے کہ اطلاع دہندگان کی شناخت صیغہ راز میں رکھی جائے گی اور درست معلومات فراہم کرنے پر مالی انعام بھی دیا جائے گا۔

ایکس پر اصل پوسٹ دیکھیں