شہری کی ماحولیاتی خلاف ورزی پر کارروائی، شہزادہ محمد بن سلمان ریزرو میں آگ جلائی

خصوصی فورس برائے ماحولیاتی تحفظ نے ایک شہری کے خلاف ماحولیاتی نظام کی خلاف ورزی پر قانونی کارروائی شروع کر دی ہے۔ یہ کارروائی اس وقت عمل میں آئی جب شہزادہ محمد بن سلمان ریزرو میں غیرمجاز مقام پر آگ جلانے کا واقعہ ریکارڈ کیا گیا۔

فورس کے مطابق، خلاف ورزی سے متعلق معاملے کو منظور شدہ قانونی طریقہ کار کے مطابق نمٹایا گیا اور ملزم پر ضابطے کے مطابق کارروائی کی گئی۔

فورس نے واضح کیا کہ جنگلات اور قومی پارکوں میں مخصوص مقامات کے علاوہ کہیں بھی آگ جلانا قابلِ سزا خلاف ورزی ہے، جس پر تین ہزار سعودی ریال تک جرمانہ عائد کیا جا سکتا ہے۔

اعرض التغريدة على منصة X

خصوصی فورس برائے ماحولیاتی تحفظ نے شہریوں سے اپیل کی ہے کہ وہ ماحول یا جنگلی حیات کے خلاف کسی بھی خلاف ورزی کی اطلاع دیں۔ مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر رابطہ کریں۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔