مکہ میں ماحولیاتی خلاف ورزی پر 5 افراد گرفتار

خصوصی فورس برائے ماحولیاتی تحفظ نے مکہ مکرمہ ریجن میں ماحولیاتی قوانین کی خلاف ورزی اور ریت و مٹی کے ذخائر کے غیرقانونی استحصال پر 5 پاکستانی باشندوں کو گرفتار کیا ہے، اور ان کے خلاف قانونی کارروائی عمل میں لائی گئی ہے۔

فورس کے مطابق، کارروائی کے دوران مٹی کی کھدائی اور نقل و حمل میں استعمال ہونے والی 5 مشینیں بھی ضبط کی گئیں۔ فورس نے شہریوں پر زور دیا ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ، مدینہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔