دمام میں درجہ حرارت 48 ڈگری، ابہا سب سے ٹھنڈا شہر

قومی مرکز برائے موسمیات نے بعض سعودی شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں آج سب سے زیادہ درجہ حرارت 48 ڈگری سینٹی گریڈ ریکارڈ ہونے کا امکان ہے، جبکہ ابہا میں سب سے کم 20 ڈگری سینٹی گریڈ متوقع ہے۔

مرکز نے اپنی ویب سائٹ پر بتایا کہ آج متوقع زیادہ درجہ حرارت دمام میں 48، ریاض میں 46، مکہ مکرمہ میں 44، مدینہ منورہ میں 45 اور جدہ میں 38 ڈگری سینٹی گریڈ رہے گا۔

اسی طرح ابہا میں زیادہ سے زیادہ 29، تبوک میں 37، بریدہ میں 44، حائل میں 39، الباحہ میں 31، عرعر میں 36، سکا کا میں 35، جازان میں 38 اور نجران میں 40 ڈگری سینٹی گریڈ متوقع ہے۔

کم سے کم درجہ حرارت کے حوالے سے مرکز نے بتایا کہ ابہا میں 20، الباحہ میں 23، دمام میں 30، ریاض میں 31، مکہ مکرمہ اور جدہ میں 32، مدینہ منورہ اور نجران میں 29، جازان میں 33 اور تبوک میں 25 ڈگری سینٹی گریڈ رہے گا۔