مملکت کی جانب سے 20 ٹن کھجوریں زنجبار کو تحفے میں

مرکز شاہ سلمان برائے امداد و انسانی خدمات نے گزشتہ روز سعودی عرب کی جانب سے زنجبار کے لیے 20 ٹن کھجوروں کا تحفہ پیش کیا۔

مرکز کی جانب سے یہ امداد سعودی سفارت خانے کے قونصلر سیکشن کے سربراہ ممدوح القحطانی نے وزارت انصاف کے نائب سیکریٹری جنرل امزی علی حاج کے حوالے کی، اس موقع پر مرکز کا نمائندہ بھی موجود تھا۔

یہ تحفہ خادم الحرمین الشریفین کی حکومت کے ان پروگراموں کے تحت دیا گیا ہے جو دنیا بھر کے مستحق خاندانوں میں تقسیم کے لیے دوست اور برادر ممالک کو فراہم کیے جاتے ہیں۔