حائل میں غیرمجاز مقام پر آگ لگانے پر شہری گرفتار

ماحولیات کی خصوصی فورس نے حائل میں ایک شہری کو ماحولیات کے ضوابط کی خلاف ورزی پر اس وقت گرفتار کیا جب اس نے نباتاتی ماحول کے تحفظ سے متعلق ہدایات کی خلاف ورزی کرتے ہوئے غیرمجاز مقام پر آگ جلائی۔ اس کے خلاف قانونی کارروائی عمل میں لائی گئی۔

فورس نے واضح کیا کہ جنگلات اور قومی پارکوں میں مخصوص مقامات کے علاوہ آگ لگانے پر 3,000 سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی کہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔