جازان میں موسمی صورت حال: شہریوں کو احتیاط کی ہدایت

سعودی محکمہ شہری دفاع نے جازان کے مختلف حصوں میں موسمی صورت حال کے باعث شہریوں کو احتیاط برتنے اور جاری کردہ ہدایات پر عمل کرنے کی اپیل کی ہے۔ یہ انتباہ قومی مرکز برائے موسمیات کی جانب سے جاری کیے گئے سرخ الرٹ کے بعد جاری کیا گیا۔

محکمہ نے اپنے سرکاری ایکس اکاؤنٹ پر بتایا کہ علاقے میں موسلا دھار بارشیں متوقع ہیں، اس لیے شہری زیادہ سے زیادہ احتیاط برتیں اور پانی کے جمع ہونے والے مقامات، وادیوں اور ڈیموں کے قریب جانے سے گریز کریں تاکہ عوامی سلامتی کو یقینی بنایا جا سکے۔

محکمہ شہری دفاع نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے اجتناب برتنے کی اہمیت پر بھی زور دیا۔