عراق کا اعلیٰ سطحی سیکیورٹی وفد سعودی عرب روانہ ہوگا

عراق کا ایک اعلیٰ سطحی سیکیورٹی وفد کل جمعرات کو سعودی عرب کا دورہ کرے گا، جہاں متعدد سیکیورٹی امور اور مشترکہ معاملات پر گفتگو کی جائے گی۔

عراقی خبر رساں ایجنسی کے مطابق وفد کی قیادت مسلح افواج کے کمانڈر انچیف کے دفتر کے ڈائریکٹر جنرل، جنرل عبد الامیر الشمری، انٹیلی جنس چیف حمید الشطری، ایئر ڈیفنس کمانڈر جنرل مہند الاسدی اور انسداد دہشت گردی ادارے کے سربراہ جنرل زید حوشی کریں گے۔

وفد دونوں ممالک کے درمیان باہمی دلچسپی کے سیکیورٹی امور اور سیکیورٹی تعاون و رابطے کو مضبوط بنانے کے طریقوں پر تبادلہ خیال کرے گا۔