عسیر: 5 ایتھوپیائی شہری 100 کلوگرام منشیاتی قات اسمگل کرتے گرفتار

عسیر ریجن کے الربوعہ سیکٹر میں بارڈر گارڈز کی زمینی گشتی ٹیموں نے سرحدی سیکیورٹی قوانین کی خلاف ورزی پر ایتھوپیا سے تعلق رکھنے والے 5 افراد کو 100 کلوگرام منشیاتی قات اسمگل کرنے کی کوشش کے دوران گرفتار کرلیا۔

ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کردیا گیا ہے۔

ایکس پر اصل پوسٹ دیکھیں

سیکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ جنرل ڈائریکٹوریٹ آف نارکوٹکس کنٹرول کے لیے (995) یا ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔