سعودی قیادت کی مالی کے صدر کو یوم آزادی پر مبارکباد

خادم الحرمین الشریفین شاہ سلمان بن عبدالعزیز آل سعود نے جمہوریہ مالی کے عبوری صدر اور ریاست کے سربراہ آسیمی غویتا کو یوم آزادی کے موقع پر تہنیتی پیغام بھیجا ہے۔

شاہ سلمان نے صدر مالی کے لیے صحت و خوشی اور مالی کی حکومت و عوام کے لیے ترقی و خوشحالی کی دلی خواہش کا اظہار کیا۔

اسی مناسبت سے ولی عہد و وزیراعظم شہزادہ محمد بن سلمان بن عبدالعزیز آل سعود نے بھی عبوری صدر آسیمی غویتا کو یوم آزادی پر مبارکباد کا پیغام بھیجا۔

ولی عہد نے صدر مالی کے لیے صحت و خوشی اور مالی کے حکومت و عوام کے لیے مزید ترقی و خوشحالی کی دعا کی۔