یورو 2032: اٹلی نے میزبان شہروں کی فہرست جاری کردی

اطالوی فٹبال فیڈریشن نے جمعرات کو یورو 2032 کے میچوں کی میزبانی کے لیے شہروں کی ابتدائی فہرست جاری کردی ہے، جس کی میزبانی اٹلی ترکی کے ساتھ مل کر کرے گا۔

فہرست میں 13 شہر شامل ہیں: باری، بولونیا، کالیاری، فلورنس، جینوا، لیچے، میلان، نیپلز، پالرمو، روم، سالیرنو، ٹورین اور ویرونا۔ اس کے علاوہ ملک بھر کے 16 اسٹیڈیمز کو بھی نامزد کیا گیا ہے۔

اطالوی فیڈریشن کے مطابق آئندہ دنوں میں شہروں کی درخواستوں کا جائزہ لیا جائے گا اور حتمی فہرست یکم اکتوبر سے قبل یورپی فٹبال فیڈریشن (یوفا) کو بھیجی جائے گی۔

واضح رہے کہ یہ پہلا موقع ہے جب یورو چیمپئن شپ اٹلی اور ترکی کی مشترکہ میزبانی میں منعقد ہوگی، اور حتمی منظوری کے بعد دونوں ممالک میں میچز تقسیم کیے جائیں گے۔