عراق اور حوثی ملیشیاؤں کے سعودی عرب پر حملے کی منصوبہ بندی: سرکاری ذرائع

ایک سعودی سرکاری ذریعے نے بتایا ہے کہ انٹیلی جنس رپورٹس کے مطابق عراقی اور حوثی ملیشیاؤں کے درمیان مملکت پر حملے کے لیے رابطے ہو رہے ہیں۔

ذرائع نے العربیہ چینل سے گفتگو میں کہا کہ معتبر اور متعدد انٹیلی جنس رپورٹس کے مطابق حوثی اور عراقی ملیشیاؤں اور ایرانی پاسداران انقلاب کے درمیان سعودی عرب پر حملوں کی تیاری کے سلسلے میں رابطہ کاری ہو رہی ہے۔

ذرائع کے مطابق یہ رپورٹس اس لیے تشویش ناک ہیں کہ اس وقت مملکت امن و امان اور مذاکرات کے فروغ کے لیے کوششیں کر رہی ہے اور بات چیت مثبت سمت میں جا رہی ہے۔ انہوں نے خبردار کیا کہ سعودی عرب کسی بھی جارحیت سے نمٹنے کے لیے تمام ضروری اقدامات اٹھانے میں ہرگز تاخیر نہیں کرے گا۔