سعودی عرب میں آج گرج چمک کے ساتھ بارش اور تیز ہوائیں متوقع

محکمہ موسمیات نے بدھ کے روز اپنی رپورٹ میں پیش گوئی کی ہے کہ جازان اور عسیر کے بعض حصوں میں گرج چمک کے ساتھ موسلا دھار بارشیں ہوں گی، جس سے سیلابی صورتحال پیدا ہو سکتی ہے اور ژالہ باری بھی متوقع ہے۔ نجران، الباحہ اور مکہ مکرمہ کے پہاڑی علاقوں میں بھی درمیانے سے شدید درجے کی بارش کا امکان ظاہر کیا گیا ہے۔

رپورٹ میں مزید بتایا گیا ہے کہ ان علاقوں سمیت مشرقی ریجن، ریاض، قصیم، مدینہ منورہ، حائل، تبوک، الجوف اور شمالی سرحدی علاقوں میں بھی تیز ہوائیں چلنے اور گرد و غبار اٹھنے کا سلسلہ جاری رہے گا۔

بحر احمر میں سطحی ہوائیں شمال مغرب سے مغرب کی سمت 16 سے 34 کلومیٹر فی گھنٹہ کی رفتار سے چلیں گی، جبکہ موجوں کی اونچائی آدھے میٹر سے ڈیڑھ میٹر تک رہے گی اور سمندر کی کیفیت ہلکی سے درمیانی ہوگی۔

خلیج عرب میں سطحی ہوائیں شمال مغرب سے شمال کی سمت 15 سے 38 کلومیٹر فی گھنٹہ کی رفتار سے چلیں گی، موجوں کی اونچائی ایک میٹر سے دو میٹر تک ہوگی اور سمندر کی کیفیت ہلکی سے درمیانی رہے گی۔