وزارت حج کا معتمرین کو ہیٹ اسٹروک سے بچاؤ کا مشورہ

وزارت حج و عمرہ نے ہیٹ اسٹروک کی علامات سے آگاہی کی اہمیت پر زور دیتے ہوئے کہا ہے کہ اس سے معتمرین علامات ظاہر ہونے پر بروقت اور درست اقدام کر سکتے ہیں۔

وزارت نے ایکس پلیٹ فارم پر وضاحت کی کہ ہیٹ اسٹروک سورج کی تیز شعاعوں اور درجہ حرارت میں اضافے کے باعث ہو سکتا ہے، جس کی علامات میں متلی، شدید پسینہ آنا اور سر درد شامل ہیں۔

وزارت نے دن کے وقت چھتری کے استعمال اور زیادہ مقدار میں پانی پینے کی سفارش کی ہے تاکہ ہیٹ اسٹروک سے بچا جا سکے۔

وزارت نے اس بات پر بھی زور دیا کہ صحت کا خیال رکھنا معتمرین کو مناسک آسانی اور سلامتی سے ادا کرنے میں مدد دیتا ہے۔