نجران میں یمنی مقیم منشیات فروشی کے الزام میں گرفتار

جنرل ڈائریکٹوریٹ برائے انسداد منشیات نے نجران میں ایک یمنی مقیم کو حشیش جیسی منشیات فروخت کرنے کے الزام میں گرفتار کیا ہے۔

محکمے نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی کی گئی ہے اور اسے پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں 911، باقی علاقوں میں 999، اور جنرل ڈائریکٹوریٹ برائے انسداد منشیات کی ہاٹ لائن 995 یا ای میل [email protected] پر رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔