کابینہ کی حوثی ملیشیا کے حملوں کی شدید مذمت

ولی عہد اور وزیراعظم شہزادہ محمد بن سلمان بن عبدالعزیز آل سعود کی زیر صدارت منگل کو جدہ میں کابینہ کا اجلاس منعقد ہوا۔

کابینہ نے حوثی دہشت گرد ملیشیا کی جانب سے مملکت میں شہریوں اور شہری املاک پر جاری مذموم اور دانستہ حملوں کی شدید ترین الفاظ میں مذمت کی۔

کابینہ نے اس بات پر زور دیا کہ مملکت کی سلامتی، ارضی سالمیت اور وسائل کا تحفظ ایک اٹل اصول ہے جس پر کوئی سمجھوتہ نہیں کیا جا سکتا، اور سعودی عرب کو اپنی خودمختاری، شہریوں، مقیمین اور اہم مفادات کے دفاع کا مکمل حق حاصل ہے، جو اقوام متحدہ کے چارٹر اور بین الاقوامی قانون کے مطابق ہے۔