ممنوعہ چراگاہ میں اونٹ چرانے پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیاتی نظام کی خلاف ورزی پر اس وقت گرفتار کیا جب اس نے محمیہ شاہ عبدالعزیز میں ممنوعہ مقامات پر 80 اونٹ چرائے۔ اس کے خلاف قانونی کارروائی عمل میں لائی گئی۔

فورس کے مطابق، اونٹ چرانے کی خلاف ورزی پر فی اونٹ 500 سعودی ریال جرمانہ عائد کیا جائے گا۔ فورس نے شہریوں پر زور دیا ہے کہ وہ ماحول یا جنگلی حیات پر کسی بھی حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔