مکہ مکرمہ میں موسمی صورتحال: شہریوں کو احتیاط برتنے کی ہدایت

سعودی سول ڈیفنس نے مکہ مکرمہ کے مختلف حصوں میں موسمی صورتحال کے باعث شہریوں کو احتیاط اور حفاظتی ہدایات پر عمل کرنے کی ہدایت کی ہے۔ یہ انتباہ قومی مرکز برائے موسمیات کی جانب سے جاری کردہ ریڈ الرٹ کے بعد جاری کیا گیا۔

سول ڈیفنس نے اپنے سرکاری ایکس اکاؤنٹ پر بتایا کہ علاقے میں شدید بارشیں متوقع ہیں، اس لیے شہری زیادہ سے زیادہ احتیاط برتیں اور پانی کے جمع ہونے والے مقامات، وادیوں اور ڈیموں کے قریب جانے سے گریز کریں تاکہ عوامی سلامتی یقینی بنائی جا سکے۔

سول ڈیفنس نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے باز رہنے کی اہمیت پر بھی زور دیا ہے۔