خمیس مشیط میں خطرہ ٹل گیا، شہری دفاع کا اعلان

سعودی محکمہ شہری دفاع نے خمیس مشیط میں خطرے کے خاتمے کا اعلان کیا ہے۔ یہ اعلان اس وقت سامنے آیا جب قومی ایمرجنسی وارننگ پلیٹ فارم سے علاقے میں خطرے کے پیش نظر انتباہ جاری کیا گیا تھا۔

محکمہ نے شہریوں سے اپیل کی ہے کہ وہ ہرگز ہجوم نہ لگائیں اور نہ ہی کسی قسم کی ویڈیو یا تصاویر بنائیں۔ ہنگامی صورت میں 998 پر رابطہ کریں۔

انتباہ کے ساتھ جاری کردہ ہدایات میں شہریوں کو پُرسکون رہنے، سرکاری ہدایات پر عمل کرنے اور فوراً کسی محفوظ عمارت یا اندرونی کمرے میں منتقل ہونے کی تلقین کی گئی ہے، جہاں کھڑکیاں نہ ہوں، اور خطرہ ختم ہونے تک وہیں رہنے کی ہدایت دی گئی ہے۔

مزید کہا گیا ہے کہ خطرہ ختم ہونے تک گھر یا عمارت سے باہر نہ نکلیں، کھلی جگہوں اور شیشے سے دور رہیں اور بالکونی یا چھت پر ہرگز نہ جائیں۔

اگر کوئی شخص گھر سے باہر ہو تو اسے چاہیے کہ قریبی عمارت میں داخل ہو جائے یا کسی مضبوط دیوار کے پیچھے پناہ لے۔ اس دوران ہجوم اور فوٹوگرافی سے مکمل گریز کریں اور خطرناک مقامات سے دور رہیں۔