ممنوعہ چراگاہ میں اونٹ چرانے پر شہری گرفتار

خصوصی ماحولیاتی سکیورٹی فورس نے ایک شہری کو ماحولیاتی قوانین کی خلاف ورزی پر اس وقت گرفتار کیا جب اس نے ریاض میں شاہ عبدالعزیز رائل ریزرو کے ممنوعہ علاقوں میں 20 اونٹ چرائے۔

فورس کے مطابق متعلقہ اداروں نے شہری کے خلاف منظور شدہ ضوابط کے تحت قانونی کارروائی کی ہے۔

فورس نے واضح کیا کہ ممنوعہ علاقوں میں اونٹ چرانے پر فی اونٹ 500 سعودی ریال جرمانہ عائد کیا جاتا ہے، اور شہریوں کو ہدایت کی گئی ہے کہ وہ ماحول اور جنگلی حیات کے تحفظ کے لیے ہدایات پر عمل کریں۔

اسی حوالے سے فورس نے شہریوں پر زور دیا ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ فورس نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔