امام فیصل بن ترکی ریزرو میں آگ لگانے والا شہری گرفتار

ماحولیاتی سکیورٹی فورس نے ایک شہری کو امام فیصل بن ترکی ریزرو میں نباتاتی تحفظ کی ہدایات کی خلاف ورزی اور غیرمجاز مقام پر آگ لگانے پر گرفتار کر لیا ہے، اور اس کے خلاف قانونی کارروائی کی گئی ہے۔

فورس نے واضح کیا کہ جنگلات اور قومی پارکوں میں مخصوص مقامات کے علاوہ آگ لگانے پر 3,000 سعودی ریال تک جرمانہ ہو سکتا ہے۔ فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔