عسیر میں منشیات فروشی پر سعودی اور یمنی شہری گرفتار

سعودی محکمہ انسداد منشیات نے عسیر ریجن میں ایک سعودی شہری اور سرحدی قوانین کی خلاف ورزی کرنے والے یمنی شہری کو حشیش، میتھ ایمفیٹامین (شبو) اور طبی ضابطے کے تحت آنے والی گولیوں کی فروخت کے الزام میں گرفتار کر لیا ہے۔

دونوں افراد کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

اعرض التغريدة على منصة X

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع کے لیے مکہ، مدینہ، ریاض اور مشرقی ریجن میں 911، جبکہ دیگر علاقوں میں 999 یا 994 پر رابطہ کریں، یا محکمہ انسداد منشیات کے ہیلپ لائن 995 یا ای میل ([email protected]) پر اطلاع دیں۔ حکام نے یقین دہانی کرائی ہے کہ تمام اطلاعات مکمل رازداری کے ساتھ نمٹائی جائیں گی اور اطلاع دینے والے پر کوئی ذمہ داری عائد نہیں ہو گی۔