سعودی عرب کی اماراتی جہاز پر حملے کی شدید مذمت

سعودی وزارت خارجہ نے آبنائے ہرمز سے گزرتے ہوئے اماراتی آئل ٹینکر پر حملے کی شدید الفاظ میں مذمت اور اس پر گہری تشویش کا اظہار کیا ہے۔ وزارت نے کہا ہے کہ اس نوعیت کے حملے بحری جہاز رانی کے تحفظ اور عالمی توانائی کی فراہمی کی سلامتی پر حملہ ہیں۔

سعودی عرب نے اس بات پر زور دیا کہ ایران کی جانب سے ایسے حملوں کا تسلسل بین الاقوامی قوانین اور روایات، خصوصاً اقوام متحدہ کی سلامتی کونسل کی قرارداد نمبر 2817 کی سنگین خلاف ورزی ہے، جو سمندری راستوں میں آزادانہ اور محفوظ آمد و رفت کی ضمانت دیتی ہے۔

سعودی عرب نے ایران کو ان جارحانہ کارروائیوں کے نتائج کا ذمہ دار قرار دیتے ہوئے مطالبہ کیا ہے کہ ایران فوری طور پر یہ خلاف ورزیاں بند کرے تاکہ خطے کے امن، استحکام اور سلامتی کو برقرار رکھا جا سکے۔ سعودی عرب نے متحدہ عرب امارات کے ساتھ مکمل یکجہتی اور اس کی خودمختاری و وسائل کے تحفظ کے لیے اس کی ہر ممکن حمایت کا اعادہ بھی کیا ہے۔