سعودی عرب میں 32 ملین ڈیجیٹل شناختی کارڈ جاری

وزارت داخلہ کے معاون برائے ٹیکنالوجی انجینئر ثامر الحربی نے تصدیق کی ہے کہ 'نفاذ' پلیٹ فارم کے ذریعے 32 ملین ڈیجیٹل شناختی کارڈ جاری کیے گئے ہیں۔

ثامر الحربی نے مزید بتایا کہ پہلے زیادہ تر دستاویزات اور کاغذات دستی طور پر تیار کیے جاتے تھے، جو اب وزارت کے نظام میں ڈیجیٹل ریکارڈ کی شکل اختیار کر چکے ہیں۔

یہ بات انہوں نے وزارت داخلہ کے زیر اہتمام 'حوار الأمن والتاریخ 2026' کانفرنس کے دوران کہی، جس میں ماہرین، متعلقہ شعبوں کے افراد اور اکادمک شخصیات نے شرکت کی۔

یہ کانفرنس قومی سطح پر مکالمے اور فکری و تاریخی تبادلہ خیال کا پلیٹ فارم ہے، جس میں مملکت کی سکیورٹی اور ترقی کی تاریخ، ریاست کے مختلف شعبوں میں تجربات اور تبدیلیوں پر بحث کی جاتی ہے۔ ان شعبوں میں سکیورٹی، سیاست، معیشت، معاشرہ، ثقافت، قومی شناخت، شعور، بین الاقوامی تعلقات اور ادارہ سازی شامل ہیں۔

ایکس پر اصل پوسٹ دیکھیں