فرانس کا حوثی حملوں پر سعودی عرب سے اظہار یکجہتی

فرانس نے حوثی ملیشیا کی جانب سے سعودی عرب پر بار بار ہونے والے حملوں کی شدید مذمت کی ہے۔

فرانسیسی وزارت یورپ و خارجہ امور کے بیان میں کہا گیا ہے کہ فرانس سعودی عرب کے ساتھ مکمل یکجہتی کا اظہار کرتا ہے اور ان حملوں کے مقابلے میں اس کے دفاع میں اس کے ساتھ کھڑا ہے۔

بیان میں حوثی ملیشیا سے مطالبہ کیا گیا ہے کہ وہ فوری طور پر اپنے حملے اور اشتعال انگیز کارروائیاں بند کرے، جو خطے کے استحکام کو مزید نقصان پہنچا رہی ہیں اور جنگ بندی معاہدے کو کمزور کر رہی ہیں۔