وفات نامہ ابشر پر آن لائن جاری کرنے کا طریقہ

سعودی وزارت داخلہ کے تحت ایجنسی برائے احوالِ مدنیہ نے شہریوں اور مقیمین کے لیے وفات نامہ ابشر پلیٹ فارم کے ذریعے آن لائن جاری کرنے کی سہولت فراہم کر دی ہے، جس کا مقصد وفات کی رجسٹریشن کے عمل کو آسان بنانا ہے اور اس کے لیے اب دفاتر کے چکر لگانے کی ضرورت نہیں رہی۔

محکمہ احوالِ مدنیہ نے اپنے ایکس اکاؤنٹ پر وضاحت کی ہے کہ اس سروس کے ذریعے مستفید افراد اپنے اہل خانہ، والدین یا گھریلو ملازمین کی وفات کی اطلاع ہسپتال سے آن لائن موصول ہونے کے بعد، وفات نامہ آن لائن جاری کر سکتے ہیں۔

سروس کے طریقہ کار کے حوالے سے احوالِ مدنیہ نے بتایا کہ صارف کو ابشر پلیٹ فارم پر اپنے اکاؤنٹ میں لاگ ان کرنا ہوگا، پھر 'خدماتی' اور 'احوالِ مدنیہ' کا انتخاب کرنا ہوگا، اس کے بعد وفات نامہ کی خدمات میں جا کر مطلوبہ کارروائی مکمل کی جا سکتی ہے۔