جازان: سرحدی فورس نے 5 ایتھوپیائی اسمگلر گرفتار کر لیے

جازان کے ضلع الدائر میں سرحدی فورس کی زمینی گشتی ٹیموں نے سرحدی قوانین کی خلاف ورزی کرنے والے پانچ ایتھوپیائی باشندوں کو 100 کلوگرام نشہ آور قات اسمگل کرنے کے الزام میں گرفتار کر لیا۔

سرحدی فورس نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع کے لیے مکہ مکرمہ، مدینہ منورہ، ریاض اور شرقیہ ریجن میں 911 جبکہ باقی مملکت میں 999 یا 994 پر رابطہ کریں۔

ایکس پر مکمل پوسٹ دیکھیں