ابشر پر کل سے الیکٹرانک نمبر پلیٹس نیلامی کا آغاز

سعودی محکمہ ٹریفک کل اتوار سے ابشر پلیٹ فارم کے ذریعے الیکٹرانک نمبر پلیٹس کی نیلامی کا آغاز کر رہا ہے، تاکہ منفرد نمبر پلیٹس خریدنے کے خواہشمند افراد کو آن لائن شرکت اور بولی لگانے کا موقع مل سکے۔

محکمہ ٹریفک نے اپنے سرکاری ایکس اکاؤنٹ پر وضاحت کی کہ نیلامی میں شرکت کے لیے سب سے پہلے ابشر پلیٹ فارم پر لاگ ان کریں، پھر 'خدماتی' منتخب کریں، اس کے بعد 'ٹریفک' اور پھر 'الیکٹرانک نمبر پلیٹس نیلامی' سروس تک رسائی حاصل کریں۔

سروس میں داخل ہونے کے بعد صارف کو گاڑیوں کی پلیٹس کی قسم منتخب کرنا ہوگی، جس کے بعد دستیاب پلیٹس سامنے آ جائیں گی اور ان پر آن لائن بولی لگائی جا سکے گی۔

اعرض التغريدة على منصة X

یہ نیلامی ابشر پلیٹ فارم کی ان الیکٹرانک خدمات میں شامل ہے جو منفرد نمبر پلیٹس خریدنے کے خواہشمند افراد کے لیے فراہم کی گئی ہیں، تاکہ وہ مکمل طور پر آن لائن نیلامی میں حصہ لے سکیں۔