نائب وزیر خارجہ کی اسرائیلی پالیسیوں کے خلاف عرب وزارتی اجلاس میں شرکت

نائب وزیر خارجہ انجینئر ولید بن عبد الکریم الخریجی نے آج وزیر خارجہ شہزادہ فیصل بن فرحان بن عبداللہ کی نمائندگی کرتے ہوئے قاہرہ میں عرب لیگ کے ہیڈکوارٹر میں منعقدہ اس وزارتی کمیٹی کے اجلاس میں شرکت کی، جو مقبوضہ بیت المقدس میں اسرائیل کی غیر قانونی پالیسیوں اور اقدامات کا مقابلہ کرنے کے لیے تشکیل دی گئی ہے۔

اجلاس میں مقبوضہ بیت المقدس اور دیگر زیر قبضہ علاقوں میں اسرائیلی خلاف ورزیوں اور حملوں کو روکنے کے لیے مشترکہ عرب کوششوں کو مضبوط بنانے کے طریقوں پر غور کیا گیا۔

اجلاس میں فلسطین میں اسرائیلی اقدامات، توسیع پسندانہ پالیسیوں، غیر قانونی آبادکاری اور جبری بے دخلی جیسے بین الاقوامی قوانین کے منافی اقدامات کا مقابلہ کرنے پر بھی تبادلہ خیال کیا گیا۔

اسی سلسلے میں عرب لیگ میں سعودی عرب کے مستقل مندوب سفیر عبدالعزیز المطر نے بھی اجلاس میں شرکت کی۔