سعودی شہروں کے درمیان بسوں سے 8 لاکھ 92 ہزار مسافر سفر کر چکے

سعودی جنرل ٹرانسپورٹ اتھارٹی نے بتایا ہے کہ 2026 کی دوسری سہ ماہی کے دوران مملکت کے شہروں اور صوبوں کے درمیان بسوں کے ذریعے سفر کرنے والے مسافروں کی تعداد 8 لاکھ 92 ہزار سے تجاوز کر گئی، جو بین الاضلاعی نقل و حمل کی بڑھتی ہوئی مقبولیت کو ظاہر کرتا ہے۔

اتھارٹی کی جاری کردہ اعداد و شمار کے مطابق مکہ مکرمہ نے سب سے زیادہ 2 لاکھ 42 ہزار 857 مسافروں کے ساتھ پہلی پوزیشن حاصل کی، اس کے بعد ریاض میں 2 لاکھ 6 ہزار 527 مسافر سفر کر چکے ہیں۔

مملکت کے دیگر علاقوں میں مشرقی ریجن سے 1 لاکھ 34 ہزار 696، مدینہ منورہ سے 59 ہزار 346، عسیر سے 58 ہزار 761 اور تبوک سے 43 ہزار 92 مسافروں نے بسوں کے ذریعے سفر کیا۔

اسی طرح جازان سے 36 ہزار 355، شمالی حدود سے 26 ہزار 424، قصیم سے 24 ہزار 486، حائل سے 20 ہزار 274، نجران سے 16 ہزار 708، الجوف سے 14 ہزار 421 اور آخر میں باحہ سے 8 ہزار 55 مسافر روانہ ہوئے۔

بس ٹرانسپورٹ کی بہتری کے لیے ترقیاتی منصوبے

اسی حوالے سے جنرل ٹرانسپورٹ اتھارٹی نے بتایا کہ وہ سرکاری و نجی شعبے کے تعاون سے بین الاضلاعی بس ٹرانسپورٹ کے ترقیاتی منصوبوں پر کام جاری رکھے ہوئے ہے، جس کا مقصد خدمات کی بہتری اور صارفین کے تجربے کو بہتر بنانا ہے، ساتھ ہی مملکت کے اندر مزید مقامات کو بس سروس سے جوڑنا بھی شامل ہے۔

یہ اقدامات قومی ٹرانسپورٹ اور لاجسٹکس حکمت عملی کے اہداف کے تحت کیے جا رہے ہیں، تاکہ شہریوں کو محفوظ اور قابل اعتماد سفری سہولیات فراہم کی جا سکیں اور مختلف علاقوں میں معیارِ زندگی کو بہتر بنایا جا سکے۔