جازان: سرحدی فورس نے 3 ایتھوپیائی اسمگلر گرفتار کر لیے

جازان کے ضلع الدائر میں بری سرحدی فورس کی گشتی ٹیموں نے سرحدی سکیورٹی قوانین کی خلاف ورزی کرنے والے تین ایتھوپیائی باشندوں کو ساٹھ کلو گرام ممنوعہ قات اسمگل کرنے کی کوشش پر گرفتار کر لیا۔

سرحدی فورس نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی مشکوک سرگرمی کی اطلاع دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ کے علاقوں میں (911)، جبکہ باقی علاقوں میں (999) اور (994) پر رابطہ کیا جا سکتا ہے۔ اس کے علاوہ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔

ایکس پر اصل پوسٹ دیکھیں