جازان: دو ایتھوپیائی شہری منشیات اسمگلنگ پر گرفتار

جازان کے الدائر سیکٹر میں بارڈر گارڈز کی زمینی گشتی ٹیموں نے سرحدی سکیورٹی قوانین کی خلاف ورزی کرنے والے دو ایتھوپیائی شہریوں کو چوبیس کلو گرام چرس اور انیس ہزار ایک سو بیس میڈیکل کنٹرول کے تحت آنے والی نشہ آور گولیاں اسمگل کرنے کے الزام میں گرفتار کر لیا۔

بارڈر گارڈز نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائیاں مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، ریاض اور مشرقی ریجن میں 911 اور مملکت کے دیگر علاقوں میں 999 پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے ہیلپ لائن نمبر 995 اور ای میل [email protected] پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔

ایکس پر اصل پوسٹ دیکھیں