نجران میں خطرہ ٹل گیا، شہریوں کو ہدایت پر عمل کی تاکید

سعودی محکمہ دفاع مدنی نے ایک انتباہ کے ذریعے نجران ریجن سے خطرے کے خاتمے کا اعلان کیا ہے اور شہریوں کو ہدایت کی ہے کہ وہ متعلقہ اداروں کی جانب سے جاری کردہ ہدایات اور رہنمائی پر عمل کریں۔

دفاع مدنی نے اپنے ایکس (سابقہ ٹوئٹر) اکاؤنٹ کے ذریعے نجران کے تمام شہریوں اور مقیمین سے اپیل کی ہے کہ وہ اس کی سرکاری چینلز پر جاری کردہ ہدایات پر عمل جاری رکھیں، واقعے یا متاثرہ مقامات پر ہرگز جمع نہ ہوں اور مکمل طور پر تصویر کشی سے گریز کریں تاکہ عوامی سلامتی برقرار رہے اور فیلڈ ٹیموں کے کام میں رکاوٹ نہ آئے۔

ایکس پر اصل پوسٹ دیکھیں

اس سے قبل دفاع مدنی نے نجران ریجن میں ہنگامی حالات کے لیے قومی انتباہی پلیٹ فارم کے ذریعے خطرے سے متعلق الرٹ جاری کیا تھا۔

دفاع مدنی نے زور دیا کہ اس کی ہدایات پر عمل اور خطرے والے مقامات سے دور رہنا جان و مال کے تحفظ میں مدد دیتا ہے اور فیلڈ ٹیموں کو اپنی ذمہ داریاں بہترین انداز میں انجام دینے کا موقع فراہم کرتا ہے۔

مزید کہا گیا کہ کسی بھی ہنگامی صورت میں فوری اطلاع اور مدد کے لیے 998 پر رابطہ کیا جا سکتا ہے۔