مدینہ میں رسول اللہﷺ کی نماز والے مقامات کی تاریخی نقشہ جاری

دارة الملک عبدالعزیز نے سیرت نبوی کے تاریخی اٹلس کے تحت ایک نقشہ جاری کیا ہے جس میں مدینہ منورہ کے وہ نمایاں مساجد اور مقامات دکھائے گئے ہیں جہاں رسول اللہ محمدﷺ نے نماز ادا کی تھی، ساتھ ہی ان کے محل وقوع اور شہر میں ان کی جغرافیائی تقسیم بھی واضح کی گئی ہے۔

اس نقشے میں سیرت نبوی سے متعلق متعدد مساجد اور مقامات شامل ہیں، جن میں مسجد فتح، مسجد بنی حارثہ، مسجد بنی سلمہ (قبلتین)، مسجد بنی حرام، مسجد جہینہ، مسجد بنی زریق، مسجد المصلی (الغمامہ)، مسجد السقیا، مسجد بنی خدرہ اور دیگر کئی اہم مساجد و مقامات شامل ہیں۔

اٹلس کے منتظمین کے مطابق یہ نقشہ سیرت نبوی اور مدینہ منورہ کی تاریخ میں دلچسپی رکھنے والوں کے لیے ایک مستند حوالہ فراہم کرتا ہے، جس سے ان مقامات کی نشاندہی اور ان کے تاریخی دائرہ کار میں جغرافیائی تقسیم کو سمجھنے میں مدد ملتی ہے، نیز اسے سیرت کے ماخذات میں مذکور واقعات و مقامات سے بھی جوڑا جا سکتا ہے۔

سعودی وژن 2030 کے تحت اہم اقدام

واضح رہے کہ سیرت نبوی کا تاریخی اٹلس، دارة الملک عبدالعزیز کی جانب سے پروگرام 'خدمت ضیوف الرحمن' کے تحت شروع کی گئی ایک اہم پہل ہے، جو سعودی وژن 2030 کے اہداف میں شامل ہے۔ اس میں سیرت نبوی سے متعلق مقامات و نشانات کی دستاویزی حیثیت کو جدید نقشہ جات، تاریخی و جغرافیائی معلومات اور جدید ٹیکنالوجی کے ذریعے محفوظ کیا جا رہا ہے۔

اس منصوبے کا مقصد ان مقامات کو واضح طور پر پیش کرنا ہے، تاکہ مدینہ منورہ کی تاریخ اور اس کے آثار سے متعلق آگاہی بڑھے اور ضیوف الرحمن کے تجربے کو مزید بامعنی بنایا جا سکے۔