بدھ کو شدید گرمی، گرج چمک کے ساتھ بارش اور تیز ہوائیں متوقع

محکمہ موسمیات نے اپنی رپورٹ میں بتایا ہے کہ آج بدھ کو مکہ مکرمہ، الباحہ، عسیر اور جازان کے بعض علاقوں میں گرج چمک کے ساتھ بارش، ژالہ باری اور تیز ہوائیں متوقع ہیں، جبکہ یہ سلسلہ نجران کے کچھ حصوں تک بھی پھیل سکتا ہے۔

رپورٹ کے مطابق مشرقی ریجن اور ریاض و مدینہ منورہ کے کچھ حصوں میں موسم گرم سے شدید گرم رہے گا۔ ان علاقوں سمیت شمالی سرحد، الجوف، تبوک اور مغربی و جنوبی مغربی بلند علاقوں کے مشرقی حصوں میں بھی گرد آلود تیز ہواؤں کا سلسلہ جاری رہنے کا امکان ہے۔

رپورٹ میں مزید بتایا گیا کہ بحیرہ احمر کے شمالی حصے میں سطحی ہوائیں شمال مغربی سے مغربی سمت میں جبکہ درمیانی حصے میں شمال مغربی سے جنوب مغربی سمت میں 5 تا 45 کلومیٹر فی گھنٹہ کی رفتار سے چلیں گی۔ جنوبی حصے میں ہوائیں جنوب مشرقی سے جنوب مغربی سمت میں 12 تا 34 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 50 کلومیٹر فی گھنٹہ تک پہنچ سکتی ہیں۔ شمالی حصے میں موجوں کی اونچائی ایک سے دو میٹر تک، درمیانی حصے میں ایک سے دو میٹر اور صبح کے وقت ڈھائی میٹر سے زائد تک جا سکتی ہے۔ جنوبی حصے میں نصف میٹر سے ڈیڑھ میٹر تک اور گرج چمک کے ساتھ بارش کے دوران دو میٹر سے زائد تک پہنچ سکتی ہے۔ مجموعی طور پر بحیرہ احمر میں موجیں ہلکی سے درمیانی اور درمیانی حصے میں بعض اوقات تیز ہو سکتی ہیں، خاص طور پر جنوبی حصے میں بارش کے دوران۔

خلیج عرب میں ہوائیں شمال مغربی سے شمال مشرقی سمت میں 15 تا 30 کلومیٹر فی گھنٹہ کی رفتار سے چلیں گی اور موجوں کی اونچائی نصف میٹر سے ڈیڑھ میٹر تک رہے گی۔ یہاں سمندر کی حالت ہلکی سے درمیانی موجوں والی ہوگی۔