حائل میں شہری منشیات فروشی کے الزام میں گرفتار

منشیات کے انسداد کی جنرل ڈائریکٹوریٹ نے حائل ریجن میں ایک شہری کو منشیات یعنی چرس فروخت کرنے کے الزام میں گرفتار کر لیا ہے۔

محکمہ انسداد منشیات نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی کی گئی ہے اور اسے پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ہوں تو وہ مکہ مکرمہ، مدینہ منورہ، ریاض اور مشرقی ریجن میں (911) جبکہ مملکت کے دیگر علاقوں میں (999) یا (994) پر اطلاع دیں۔ اس کے علاوہ منشیات کے انسداد کی جنرل ڈائریکٹوریٹ کے ہیلپ لائن (995) اور ای میل (Email:[email protected]) پر بھی رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔