جازان: 4 ایتھوپیائی باشندے 100 کلوگرام قات اسمگل کرتے گرفتار

جازان کے ضلع الدائر میں بارڈر گارڈز کی زمینی گشتی ٹیموں نے چار ایتھوپیائی باشندوں کو سرحدی سلامتی کے قوانین کی خلاف ورزی اور 100 کلوگرام نشہ آور قات اسمگل کرنے کی کوشش پر گرفتار کر لیا۔

بارڈر گارڈز نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

سیکیورٹی حکام نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجنز میں (911)، باقی علاقوں میں (999) اور (994) جبکہ جنرل ڈائریکٹوریٹ آف نارکوٹکس کنٹرول کے لیے (995) یا ای میل (Email:[email protected]) پر رابطہ کیا جا سکتا ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔