قصیم میں کھجوروں کی خودکار درجہ بندی کا جدید پلانٹ

قصیم کے ایک کھجور پروسیسنگ پلانٹ نے خودکار اور جدید ٹیکنالوجی کے ذریعے کھجوروں کی درجہ بندی میں نمایاں مقام حاصل کیا ہے۔

اس پلانٹ میں جدید خودکار درجہ بندی کی ٹیکنالوجی استعمال کی جا رہی ہے، جو فی گھنٹہ تین سے چار ٹن کھجوریں انتہائی درستگی کے ساتھ سائز، رنگ اور صفائی کے اعتبار سے الگ کرتی ہے، جبکہ خراب دانے خود بخود نکال دیے جاتے ہیں۔

پلانٹ کے ایگزیکٹو ڈائریکٹر احمد الربدی کے مطابق، ہمارے پاس 60 ہزار سے زائد کھجور کے درخت اور 15 سے زیادہ اقسام ہیں۔ پلانٹ میں اعلیٰ صلاحیت کی درجہ بندی کی مشینیں نصب ہیں اور ہم نے بڑی مشین درآمد کی ہے جس میں 12 سے زائد آؤٹ لیٹس ہیں، جو تمام اقسام کی کھجوروں کو الگ الگ کرتی ہیں۔

انہوں نے مزید کہا کہ اس جدید ٹیکنالوجی کی بدولت افرادی قوت کی ضرورت کم ہو گئی ہے، جس سے پیداوار اور معیار میں اضافہ ہوا ہے۔ مشینوں نے کئی مراحل کو آسان بنا دیا ہے۔

ایکس پر مکمل خبر دیکھیں