سعودی کالج میں طلبہ کو مصنوعی ذہانت کی تربیت

دمام کی ٹیکنیکل کالج میں موٹرز اور گاڑیوں کی ٹیکنالوجی کے استاد عبداللہ الطویل نے کہا ہے کہ ہم طلبہ کو جدید آلات پر تربیت فراہم کر رہے ہیں۔

انہوں نے الاخباریہ چینل سے گفتگو میں بتایا کہ اس کا مقصد طلبہ کو اس قابل بنانا ہے کہ وہ انسانی مداخلت کے بغیر مصنوعی ذہانت کے شعبے میں کام کر سکیں اور اس سے پیداواری غلطیوں میں کمی آئے۔

عبداللہ الطویل نے مزید کہا کہ ہم اس بات پر توجہ دیتے ہیں کہ تربیت حاصل کرنے والے طلبہ پیشگی دیکھ بھال اور خرابیوں کی نشاندہی کے ذریعے مارکیٹ کی ضروریات سے ہم آہنگ ہو سکیں، اس طرح وہ مصنوعی ذہانت کے شعبے سے متعلق اہم مہارتیں سیکھتے ہیں۔

انہوں نے بتایا کہ ہمارے پاس ایسے آلات موجود ہیں جو تھری ڈی انجینئرنگ ڈرائنگ اور ڈیٹا پروسیسنگ پر مبنی ہیں، جس سے پیداواری غلطیوں کے امکانات کم ہوتے ہیں اور طلبہ ممکنہ مسائل کی پیشگی نشاندہی کر لیتے ہیں، اس سے لاگت میں کمی اور حفاظت میں اضافہ ہوتا ہے۔

یہ اقدامات مملکت میں متعلقہ اداروں کی جانب سے تعلیم اور تربیت کو مارکیٹ کی ضروریات سے جوڑنے اور مختلف شعبوں میں تربیت حاصل کرنے والوں کو بین الاقوامی سطح پر مسابقت کے قابل بنانے کی کوششوں کا حصہ ہیں۔

اعرض التغريدة على منصة X