عسیر میں 16 کلو گرام منشیات اسمگلنگ کی کوشش ناکام

عسیر ریجن کے الربوعہ سیکٹر میں سرحدی محافظین کی زمینی گشتی ٹیموں نے 16 کلو گرام حشیش کی اسمگلنگ کی کوشش ناکام بنا دی۔

سرحدی محافظین نے اپنے سرکاری ایکس اکاؤنٹ پر بتایا کہ ابتدائی قانونی کارروائی مکمل کر کے ضبط شدہ منشیات متعلقہ ادارے کے حوالے کر دی گئی ہیں۔

سکیورٹی حکام نے شہریوں اور مقیم افراد سے اپیل کی ہے کہ منشیات کی اسمگلنگ یا اس کی فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ جنرل ڈائریکٹوریٹ آف نارکوٹکس کنٹرول کے لیے (995) اور ای میل (Email :[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہوگی۔