جموم اور بحرة میں موسلا دھار بارش اور تیز ہواؤں کی پیش گوئی

محکمہ موسمیات نے آج منگل کو مکہ مکرمہ ریجن کی دو تحصیلوں، جموم اور بحرة میں موسلا دھار بارش کی پیش گوئی کی ہے۔

محکمے کی رپورٹ کے مطابق اس موسمی صورتحال میں تیز رفتار ہوائیں چلنے کا امکان ہے، جس سے افقی حد نگاہ متاثر ہو سکتی ہے، ساتھ ہی ژالہ باری، سیلابی ریلے اور گرج چمک کے امکانات بھی ہیں۔

محکمہ موسمیات نے بتایا کہ یہ صورتحال آج رات نو بجے تک برقرار رہ سکتی ہے اور شہریوں کو ہدایت کی ہے کہ وہ احتیاط برتیں اور متعلقہ اداروں کی ہدایات پر عمل کریں۔