مملکت میں یمنی شہریوں کے لیے 23 اصلاحی مراکز قائم

جوازات مکہ مکرمہ کے ترجمان، رائد عبدالرحمن القثامی نے بتایا ہے کہ مملکت کے مختلف علاقوں میں یمنی شہریوں کی صورتحال درست کرنے کے لیے 23 مراکز قائم کیے گئے ہیں، جو دو ماہ تک کام کریں گے۔

انہوں نے الاخباریہ چینل سے گفتگو میں کہا کہ سعودی حکومت ہمیشہ انسانی بنیادوں پر اقدامات کرتی ہے۔ ان کا کہنا تھا کہ مملکت نے یمنی عوام کے حالات کا خیال رکھتے ہوئے انہیں اپنی سرزمین پر سہولیات فراہم کی ہیں۔

القثامی نے مزید کہا کہ مملکت ان تمام یمنی باشندوں کے لیے آسانیاں فراہم کر رہی ہے جو اقامہ قوانین کی خلاف ورزی کی صورت میں مقیم ہیں۔ انہوں نے یمنی شہریوں سے اپیل کی کہ وہ ان مراکز کے ذریعے اپنی قانونی حیثیت جلد درست کر لیں۔

اعرض التغريدة على منصة X