سعودی عرب کے مختلف علاقوں میں آج بارش اور تیز ہوائیں متوقع

محکمہ موسمیات نے اپنی آج کی موسمی رپورٹ میں توقع ظاہر کی ہے کہ جازان، عسیر، الباحہ، مکہ مکرمہ، مدینہ منورہ، حائل، قصیم، شمالی حدود اور مشرقی ریجن کے شمالی حصوں میں گرج چمک کے ساتھ بارش، ژالہ باری اور گرد آلود تیز ہوائیں چلنے کا امکان ہے۔

رپورٹ میں مزید کہا گیا ہے کہ ان علاقوں کے بعض حصوں اور الجوف کے کچھ علاقوں میں دھند پڑنے کا بھی امکان ہے۔

محکمہ کے مطابق بحیرہ احمر میں سطحی ہوائیں شمالی مغرب سے شمال کی سمت 12 سے 35 کلومیٹر فی گھنٹہ کی رفتار سے شمالی حصے میں، جبکہ درمیانی حصے میں شمال مغرب سے شمال کی سمت 12 سے 32 کلومیٹر فی گھنٹہ اور جنوبی حصے میں جنوب مشرق سے مشرق کی سمت 12 سے 32 کلومیٹر فی گھنٹہ چلیں گی۔ سمندر میں لہریں آدھے میٹر سے ڈیڑھ میٹر تک بلند ہوں گی اور اس کی حالت ہلکی سے درمیانی اور بعض اوقات شدید ہو سکتی ہے۔

خلیج عرب میں ہوائیں شمالی حصے میں جنوب سے جنوب مشرق کی سمت 8 سے 28 کلومیٹر فی گھنٹہ اور جنوبی حصے میں شمال مشرق سے شمال کی سمت 8 سے 25 کلومیٹر فی گھنٹہ چلیں گی۔ یہاں لہریں آدھے میٹر سے ایک میٹر تک بلند ہوں گی اور سمندر کی حالت ہلکی رہے گی۔