کل اتوار سے ابشر پر الیکٹرانک نمبر پلیٹس کی نیلامی

سعودی جنرل ڈائریکٹوریٹ آف ٹریفک کل اتوار سے الیکٹرانک نمبر پلیٹس کی نیلامی کا آغاز کر رہا ہے، جس کے ذریعے خواہشمند افراد ابشر پلیٹ فارم پر منفرد نمبر پلیٹس خرید اور ان پر نیلامی میں حصہ لے سکتے ہیں۔

صارفین ابشر پلیٹ فارم پر 'خدماتی' منتخب کر کے، پھر 'ٹریفک' اور اس کے بعد 'الیکٹرانک نمبر پلیٹس کی نیلامی' سروس میں داخل ہو کر اس سہولت تک رسائی حاصل کر سکتے ہیں۔

سروس میں داخل ہونے کے بعد صارف اپنی گاڑی کی نمبر پلیٹس کی قسم منتخب کرے گا، جس کے بعد دستیاب پلیٹس کی فہرست سامنے آ جائے گی اور وہ ان پر آن لائن نیلامی میں حصہ لے سکے گا۔

ایکس پر ٹویٹ دیکھیں

جنرل ڈائریکٹوریٹ آف ٹریفک نے منفرد نمبر پلیٹس کے خواہشمندوں کو ابشر پلیٹ فارم کے ذریعے نیلامی میں حصہ لینے کی دعوت دی ہے اور واضح کیا ہے کہ اس سروس کے ذریعے نیلامی کا عمل مکمل طور پر آن لائن ہوگا۔