ترکی کے اوزنجول میں سعودی شہری تصویر لیتے ہوئے ڈوب کر جاں بحق
ترکی کے شہر اوزنجول میں سعودی شہری تصویر لیتے ہوئے پانی میں گر کر جاں بحق ہو گیا، جبکہ اس کا چھوٹا بھائی ریسکیو ٹیموں کی مدد سے بچ گیا۔
اہم نکات
AIترکی کے صوبے طرابزون کے علاقے اوزنجول میں 39 سالہ سعودی شہری تصویر لیتے ہوئے پانی میں گر کر ڈوب گیا۔ ترک میڈیا کے مطابق اس کی پاؤں پھسل گئی تھی جس کے باعث وہ پانی میں جا گرا۔
ذرائع کے مطابق اس کا 23 سالہ چھوٹا بھائی اسے بچانے کے لیے پانی میں کود گیا، تاہم تیز بہاؤ دونوں کو کچھ فاصلے تک بہا لے گیا، اس دوران ریسکیو ٹیمیں موقع پر پہنچ گئیں۔
ریسکیو ٹیموں نے مقامی افراد کی مدد سے چھوٹے بھائی کو نکال کر اسپتال منتقل کیا، جہاں اس کی حالت کو مستحکم قرار دیا گیا ہے۔
دوسری جانب، بڑے بھائی کی موت جائے وقوعہ پر ہی ہو گئی، اور اس کی میت کو قانونی کارروائی کے لیے فرانزک ادارے منتقل کر دیا گیا ہے۔